لهپاكیدا وهكو بهفرى
ئارام ئهبوبهكر
ئازیزم ، وهره پێشهوه ،
پهردهى خهمت لهسهر لادهم
من ئهتوانم دڵخۆشت كهم ،
بهخۆشهویستى بێڕادهم !.
***
وهره سهر گوڵى ئهوینم ،
شیلهى لێوم تێر ههڵمژه
چیتر بهرگهى نازت ناگرم ،
بهچاوهرِوانى مهمكوژه .
***
رِۆژگار دێت و تێئهپهڕێ ،
ههر بهخهیاڵ ئهتدوێنم
ئاخۆ ئهبێ كهى بهسۆزێ
ههستى ناسكت ببزوێنم !؟.
***
تۆ له پاكیدا وهك بهفرى ،
بۆ ؟، بۆخاكى دڵ داناكهى
تاكهى درزه نیگاو شهرم ؟
بۆ؟، عهشقت ئاشكرا ناكهى .
***
ده تهرمى شهرم لهگۆڕنێ ،
دڵى تۆ تاكه پهنامه
تاكهى حهزت بۆ بهیانكهم ،
به تهلهفون و به نامه !؟.
(( ئارام ئهبوبهكر ))
تۆ دهتوانیت بۆچوونێك بنوسیت, یان بهستهری ههمیشهیی كرته بكه.
